福娘童話集 > 日本昔話 > １月



雞年降个(肖雞)

・日本語 ・中国語　・客家語

・日本語＆中国語　・日本語＆客家語

客家語 : 鄧文政(ten33 vun55 zhin11)

おりがみをつくろう ( おりがみくらぶ より) にわとり　　　にわとり②

　頭擺頭擺，有一隻所在，一個安到吉四六先生个人，非常樂線。
　吉四六先生該村个村長畜了當多雞仔，平常放出去絡食，鄰舍感覺盡無結煞。
「另外雞仔會走落菜園爽人。」
「𠊎屋下晒燥个穀分佢食淨淨。」
　所以村民大家集合共下去村長該位去投。
「村長大人拜託你雞仔毋好放出來。」

　村長聽了後定定仔
　講：「𠊎肖雞，所以定著愛好好畜兜雞仔。」
　毋肯摎雞仔關等畜。

　有一日，這兜雞仔走落吉四六先生个菜園，摎佢个菜頭葉啄壞忒。
「啊！𠊎个菜頭！」
　當閼个吉四六先生擎起大伐刀，摎爽佢个菜園該十隻雞仔㓾淨淨。
　餔娘知著該事情後著驚一下講：
「你惹大禍咧，愛仰般摎村長會失禮正好哪！」
「驚麽个！這事交分𠊎，毋當𠊎暗晡夜摎隔壁鄰舍喊喊過來，請大家食雞肉料理。」
　吉四六先生定定應講：

　第二日朝晨，吉四六先生擎等大伐刀走去村長屋下。
「忍毋核了！𠊎替村民出頭，愛摎村長个頭那刴下來。」
「噯，吉四六！到底係麽个事情。」
「摎你留下來，該村民个命就危險了！」
「生命危險？到底麼个事？」
「村長屋下畜个雞仔全部放出來著無？」
「係，該係因為𠊎酉年出世肖雞，正會畜恁多雞仔。」
「恁樣哦！毋過，𠊎係為著愛剁你个頭那正來个，村民个生命當危險呢。」
　吉四六先生擎等大伐刀講：
「等一下，吉四六。雞仔放出去對村民个生命有麽个危險？」
「噯，村長！請你想看哪，
　大家像你畜自家出世該年个動物，放佢出去，會變麽个情形？
　你係雞年出世還較爭，村民若係虎年出世，也係龍年去世个人，
　摎佢畜个老虎抑係龍放出來，村民个生命會變仰般？！」
　吉四六先生噦還較大聲，伐刀擎還較高。
「知了，知了。
　毋會再過放雞仔出去咧，
　毋著，毋好再過畜雞仔！
　好摎伐刀放下來咧。」
　村長頭頷尾鑿摎吉四六先生拜託。
「有影麼？村民生命有危險个関係，先剁十隻雞仔个頭那，村長个頭那留等係無？」

　吉四六先生講了後，放下大伐刀、擎等行轉屋下去。

煞咧