福娘童話集 > 日本昔話 > １月


イラスト　たつよ　　　提供　らくがきの日常

變做一休个屎

・日本語　・日本語＆中国語　　・客家語　・日本語＆客家語

客家語 : 鄧文政(ten33 vun55 zhin11)

　頭擺頭擺，有一個安到一休个人，大家都講佢係當伶俐个細沙彌。
　一休先生還細个時節，開始修行个寺廟住持和尚非常齧察。

　還在廟肚煮做毋得食个鹹鰱魚米漿湯來食，
　像無事人樣緊食緊講：「啊！還好食，完身燒暖起來。」
　當然，一休該兜細沙彌一垤都分毋著，
　還過和尚住持食鹹鰱魚个時節，講个話特假精假怪：
「這、鹹鰱魚啊！
　你這兜像燥忒个樹仔，
　想盡方法來幫助你兜也無法度，準講這下返生放轉海肚，
　你兜也毋會泅水，所以𠊎正會摎你煮來食，祝福你平安去到極樂世界。」
　聽到這種話，一休先生講：
「啍，自家摎人煮來食還講麽个極樂世界。」

　其他个細沙彌乜常受氣。

　有一日，
　一休先生做好朝晨頭个事以後，走去魚店買一尾大鯉嫲。
　轉去廟項後，拿出砧板摎菜刀、灶頭火起著來。
　住持和尚看到著驚下講：
「一休！你買該尾大鯉嫲愛做麽个！」

「係哦！大鯉嫲愛煮來食啊！前幾日在你該學來个經，請你聽看阿！」
「較正經兜！」
「𠊎當正常啊。」

　一休先生無半點緊張，摎大鯉嫲放在砧板頂，頌起經來：

「這、生生个大鯉嫲啊！你分一休食忒變做屎，變做屎。」
　頌忒後一休先生就摎大鯉嫲切做一垤一垤放落鑊肚。
「m11．．．『變做屎』嘎？」

　住持和尚因為一溜來對鹹鮭魚講『去極樂世界』，這下嗄變做當見笑。

　愛來替會講真心話講『變做屎，變做屎』个細一休先生，做兜事，
(這个猴子下二擺定著會係大人物。來𠊎這位毋著咧，係毋係愛送佢去較好个和尚該位正著？！)
「該就無客氣了！」

　一休先生無插住持和尚个面色，摎該兜細沙彌共下食大鯉嫲切圈煮个米醬湯，食到sud2 sud2滾，像人當好食樣。

煞咧

イラストおまけ　イラストをクリックすると、大イラスト(2560×1440)を表示