福娘童話集 > 日本昔話 > １月



番鵑摎烏鴉

・日本語　・日本語＆中国語　・客家語　・日本語＆客家語

客家語 : 鄧文政(ten33 vun55 zhin11)

※本作品は、読者からの投稿作品です。　投稿希望は、メールをお送りください。→連絡先

投稿者　「琴菜 ASMR」　　琴菜 ASMR

　頭擺頭擺，烏鴉个毛無像這下恁樣完身烏疏疏，紅色以外摻有茄色摎綠色，非常个靚。
　其他个鳥仔都當羨慕烏鴉。
　特別係番鵑，
「啊~啊，𠊎俚个衫褲全身單淨烏色定定還無先趣，一擺就好，像烏鴉該恁靚个衫褲來著看啊仔。」
　長透想：
　番鵑摎鳥鴉當相像，鳥喙盡長。

　所以，有一日番鵑想計愛騙烏鴉，拿佢衫褲。
　想好，佢就遽遽走去烏鴉該位，
拐騙佢講：「烏鴉先生，今晡日恁熱，來去泅水愛無？」
烏鴉應講：
「該還好哪，好，來去！」二儕凑等去森林裡肚个水窟仔，
　各儕摎自家个衫褲脫忒，砰聲跳落水兜肚去了。
　天時已好盡燒暖，好搞水个二隻鳥仔搞到特別快樂。
　毋過，過一下仔番鵑講：
「壞了！𠊎想到一條大事情愛做，失禮𠊎愛先轉去。」
　就先走去咧。
　 伸著烏鴉一儕人
「啊~啊，還想共下加搞一下仔。」
　緊噥噥噥噥唸緊蹶起來，想愛尋衫褲來著，毋過滿天都尋毋著佢該盡沙鼻个、盡靚个衫褲，斯一身烏疏疏又屙糟番鵑个衫褲。
「哪隻漦仔，斷真係番鵑，摎𠊎个衫褲著走？」
　烏鴉雖然知佢分番鵑騙著了，毋過這下無法度，
　想毋出半滴辦法，高不將著番鵑个衫褲轉屋下去。
　聽講自該擺以後，烏鴉完身變到烏疏滴溚，番鵑著等盡靚个毛。

　所以烏鴉當惱該番鵑，一直到這下，烏鴉見擺看到番鵑就追到捩捩轉。

煞咧