福娘童話集 > 日本昔話 > １月



竹仔降个妹仔

客家語 : 鄧文政(ten33 vun55 zhin11)

にほんご(日语)  ・ちゅうごくご(中文)　・日语＆中文

・日本語　・中国語　・客家語

・日本語＆中国語　・日本語＆客家語

客家語 : 鄧文政(ten33 vun55 zhin11)

　頭擺頭擺，有一隻所在戴一對無子無女个老阿公摎老阿婆。
「噯！老阿婆，𠊎俚若係有個細人仔無知有幾好？」
「係哦，毋過𠊎俚恁多歲咧，恁樣想會忒過分係無？」
「係恁樣哪，盡孤栖喲。」

　有一日老阿公去山頂斬竹仔，毋知做麽个會在剁斷个竹頭，忽然間走出一个細細个細妹仔來。
「唉哦！這係神明賜分𠊎个，無毋着！」
　 老阿公當歡喜渡等細妹仔轉屋下去，惜佢，撫養佢，無幾久，大咧，變著盡靚个細阿妹仔。

　有一日少女講：
「阿公、阿婆，拜託你買一臺織布機分𠊎。」
「啊！又乜好！盡好！」
　老阿公遽遽去街路摎織布機買轉來。
　少女摎該織布機安在自家房間肚後，
　並拜託老阿公摎老阿婆，講：「𠊎希望你二老，毋論發生麽个事情，做毋得來看𠊎織布。」
　經過無幾日仔，少女摎佢織好个布交分老阿公，交代講：
「這兜布仔，請你拿去街路賣好無？」
　該兜布仔賣到盡好个價數。
　老阿伯見擺摎織好布个仔拿去街路賣，賺當多錢轉來。
　打幫這布仔原旦恁窮苦，看等就發起來，變到當有錢了。
「講係恁樣講，仰會恁奇妙个布仔哪！聽佢兜講用該布做个衫，著等，在心肝肚就會燒暖起來。」
「有影喔！到底仰般做正會織出該恁好个布仔來？！」
　老阿公摎老阿婆問少女原因，
　佢總係講：「噯！𠊎祈求神明：『希望老阿公摎老阿婆過幸福个日仔』，煞猛打拼來織布定定。」

　有一日，兩老實在忍毋核，毋顧摎少女个交代，偷偷走去少女个房間偷看。
　看了後，你知變到仰般形無？
　房間肚有一隻細鳥仔，摎自家幼幼个毛挷下來摻落綿紗肚織出布仔來。
　細鳥仔變著當瘦，歸身光光伸無幾多支仔毛。
「無想著該個少女原來係細鳥仔。」
　老阿公摎老阿婆你看𠊎、𠊎看你，
　在佢兩儕相看仔个時節細鳥仔發出『嗶』聲，就恁樣非常个悲傷个叫等出，飛到山頂去。
「啊，妹仔啊！係𠊎毋著無守約定，摎你會失禮，煞煞轉來！」
　無過，細鳥仔一去就無回頭。

　從該量時開始，老阿公摎老阿婆還係摎頭過無子女个時節共樣，過當孤栖个日仔。

煞咧