福娘童話集 > 日本昔話 > １月



目盯盯緊看

・日本語　・中国語　・客家語

・日本語＆中国語　・日本語＆客家語

客家語 : 鄧文政(ten33 vun55 zhin11)

おりがみをつくろう ( おりがみくらぶ より) かき

　頭擺頭擺，有一個非常快樂个吉四六先生，
　這條古係講吉四六先生還係細人仔時節个事情。

　有一年秋天，
　佢屋下人因為有事情全部都愛出門，伸著吉四六一儕人留下來掌屋。
　出門以前，厥爸摎佢交代，講：
「吉四六啊，柿仔熟咧做得食了，韶早愛在樹頂摘下來，所以你今晡日愛掌好兜仔哦。」
「好！𠊎會掌好。」
　吉四六當有元氣應佢。。
　看著樹頂打著淰淰黄訌訌个柿仔，當毋著，無法度再過恬恬看个吉四六，
　等厥爸行遠咧，佢就走去莊項大聲嘶：
「噯！𠊎屋下个柿仔熟了，做得食咧，大家來去摘來食。」
　莊內聽著這個細人仔喊，歡喜壢天來到吉四六先生屋下。
　過後擎等長棍仔去敲柿仔，大家食著飽𩜰𩜰。
　臨暗仔厥爸轉到屋下，吉四六先生在柿仔樹下坐等。
「你，歸日斯坐在該係無？」
「係！因為你喊𠊎細義看等，所以一直看等柿仔樹。」
「恁樣哦，還乖哦！」
　厥爸當佩服佢，毋過無想著，等佢臥起頭來，看著柿仔樹頂个柿仔仰會少忒恁多。
「阿姆哀！
　柿仔少忒當多，
　這定著有人來偷摘，
　噯！吉四六，這到底發生麼个事情？」
　吉四六先生像無事人樣，講：
「莊肚該兜細人仔弛崗打陣來，用棍仔敲柿仔食，
　𠊎照你个交待非常注意掌等無毋著啊。」
「還冤枉。．．．交待你注意掌等，毋好分賊仔來偷摘柿仔，結果變恁樣。」
　厥爸講了後，忽然間感覺歸身軟怠怠。

煞咧

註:
きっちょむさん，(漢字吉四六先生)，係在大分縣大野郡野津町實際存在个人物，係分人認為經營釀酒業个第一代廣田吉右衛門。
　該隻牌位摎風水還殘留等，毋過，佢係毋係這個吉四六先生，無確實个證據。
　代表傳說肚代表古琢个一個人，機智工作，奸詐狡猾，反過來講，也有𤘅奓个一面。

　有關吉四六先生个故事當多，差毋多有二百回以上，毋過，一半以上認為係這幾年个創作。