 |
 |
福娘童話集 > 日本昔話 > １月
這個老實人
・日本語 ・英語 ・中国語 ・客家語
・日本語＆英語 ・日本語＆中国語 ・日本語＆客家語
客家語 : 鄧文政(ten33 vun55 zhin11)
| ♪音声配信(html5) |
| 音声 スタヂオせんむ |
頭擺頭擺，有一個安到吉四六个人，非常个即靈。
頭擺，滿天設有關卡，經過个時節毋管係人抑係包袱都愛經過嚴格个檢查。
吉四六先生个莊頭去城肚乜愛經過這種關卡。
但係，掌這關卡个人有好人也有壞人，
「噯！噯！該个酒盎裡肚装麽个東西？！敢會囥麽介毋好个東西？這下開始愛來調查看阿仔。」
掌關卡个人在包袱肚尋到酒个時節，一片講愛檢查一片摎該酒啉淨淨。
所以莊肚該兜人無葛無煞，就去拜託吉四六先生。
「吉四六先生，拜託你，用你个即靈替𠊎兜去教訓該兜掌關卡个人好無？」
聽著當多有關官員个風聲，吉四六黏時答應佢兜講：
「好！就委託𠊎，不會分該兜官員再過啉你兜个酒。」
吉四六先生講了後，黏時去街路買酒。
買好就想愛對街路轉去个時節，該隻官員馬上喊吉四六先生停下來。
「噯！噯！該隻酒盎裡肚張麽个東西？」
吉四六趜到無葛無煞个樣仔應講：
「這係，該係．．．。盎肚事實装个係尿啦。」
「麽个啊？係尿哦？．．．呵呵，像形有多少用兜頭腦，毋過騙𠊎毋著。」
該個官員黏時細義用鼻空試鼻盎肚个氣味後，就奸笑，摎盎肚个酒像當好食樣，一下仔啉淨淨無伸半滴。
「ng11！這正經係上等品，還好食个尿哦，好！你做得走咧！」
官員摎該空盎仔還吉四六，感覺非常个滿足，講：
過了三日後，吉四六先生又去街路，㧡等盎仔經過關卡，該官員還係摎往擺共樣喊佢停下來。
「噯！噯！該个酒盎裡肚張麽个東西？」
「這係…，該係…。盎肚事實張个是尿啦。」
聽到吉四六應話以後，緊捉佢看緊奸笑。
「噢！你毋係前回該個人？𠊎還認為有兜頭腦，又係尿係無！」
官員摎吉四六个酒盎仔沒收過來，這擺連鼻又毋使鼻，一下仔斯啉淨淨。
毋過黏時試著毋著，牙研鼻皺感覺盡痛苦，頭下啉落去个東西全嘔出來。
「呸~！噯！噯！噯！這係麽个東西！你這個漦仔！敢會斷真拿尿分𠊎食！」
官員挷出刀仔，企兼吉四六唇頭，
雖然恁仰吉四六還係無半息驚佢，應講：
「𠊎頭下毋係摎你講過，係尿咩！」
「ng11，ng11，ng11。」
官員無話好講，
就收轉佢个刀仔了後，摎吉四六先生講：
「這個，這個老實个漦伙仔！好走開咧！」
聽講，該擺開始，官員尋著通關人个包袱裡肚有酒也毋敢再過拿來啉。
煞咧
|
|
| 1月 2日の豆知識 366日への旅 |
初夢 |
| きょうの誕生花 竹(たけ) |
| きょうの誕生日・出来事 1980年 村上知子(森三中) |
| 恋の誕生日占い 世話好きで、家庭的な事が得意 |
| なぞなぞ小学校 糸は糸でも、働く糸は？ |
| あこがれの職業紹介 モデル |
| 恋の魔法とおまじない 002 好きな人に、想いが届くおまじない |
| 1月 2日の童話・昔話 福娘童話集 |
| 日本昔話 この正直者め |
| きょうの世界昔話 ミツバチの女王 |
| きょうの日本民話 天福地福 |
| きょうのイソップ童話 塩を運ぶロバ |
| きょうの百物語 死神の使い |
福娘のサイト |
||||||
| 366日への旅 毎日の記念日などを紹介 |
||||||
| 福娘童話集 日本最大の童話・昔話集 |
||||||
| さくら SAKURA 女の子向け職業紹介など |
||||||
| なぞなぞ小学校 小学生向けなぞなぞ |
||||||