福娘童話集 > 日本昔話 > １月



戲院看戲

・日本語　・中国語　・客家語

・日本語＆中国語　・日本語＆客家語

客家語 : 鄧文政(ten33 vun55 zhin11)

　頭擺頭擺，有一個安著吉四六先生个人，非常樂線。

　有一日，在大分縣臼杵街路有一隻大都市來个戲班仔。
　這搭仔，第一擺有恁大个戲班演出。
　逐日當多人相爭去看，聽到風聲个吉四六先生也翻山過嶺來著臼杵。
　來到街路後，有一間大院。
　在戲院面前插當多彩色个旗仔，頂背寫等演出人員个名仔，入口排等靚靚圖畫廣告牌仔。
　吉四六先生想愛煞煞落去，毋過，
「慘了！」
　最重要个錢無袋著。
「恁樣斯無辦法落去咧。」
　吉四六先生想來想去，想著一隻妙計。
「好！用這種方法試看啊仔！」
　吉四六先生來到人群當亂个戲院入口，轉過身來挑挑大聲講：
「仰會恁樣哪！像該種人！」
　續等佢就開始詐意尋人。
　像形這下堵堵對戲院肚出來。
　東看西看个吉四六先生後背，想愛落戲院个人客人山人海尖等來。
　雖然恁樣，佢還係講：「無來哪！該個人！」
　詐意像形非常麻煩來看戲个人客樣時節，掌門个人講：
「噯，噯，這位先生，
　 愛出來？愛落去？愛出去斯出去，愛落來斯落來請你較遽兜！毋好杈著人客。」
　過後，吉四六先生像儘失禮个講：
「實在哦！共下來仰般會行散忒？
　．．．無奈何，來去裡肚等好啦！」

　斯恁樣，吉四六先生行落戲院肚去，看一擺免費个戲。

煞咧