福娘童話集 > 日本昔話 > １月



左甚五郎个龍

・日本語　・日本語＆中国語　　・客家語　・日本語＆客家語

客家語 : 鄧文政(ten33 vun55 zhin11)

おりがみをつくろう ( おりがみくらぶ より) りゅう

　頭擺頭擺，在宮津該地方，田蒔好咧，毋過天公毋落半滴水。
　村民毋知仰結煞，講：「辛辛苦苦種个禾仔，因為天旱生毋起來，毋落水係水神、定著係龍神在該作怪。」
就去成相寺拜託和尚求水。
　和尚歸暗晡在該頌經，想求佛祖開示來教村民。
　和尚講神明指示：
「聽講，有一個日本最會个雕刻專家來到天橋立該位，
　人講佢若係刻生个東西，像會連靈魂放落裡背肚去該程度个名人。
　假使請得著這個專家來刻龍，然後摎龍个靈魂放落去，定著會帶來水敢。」
　過後，村民分開來去尋，正經照和尚講个左甚五郎這位雕刻專家來天橋立歇宿。
　對村民誠心个拜託，左甚五郎頷頭答應佢兜，講：
「佛祖个指示肚，講到𠊎个名仔實在光榮，了解，無幾熟練，無試刻看啊仔。」
　答應佢兜係盡好个事，毋過，左甚五郎龍生著麼个樣仔都毋識看過，
　別人畫个、抑係刻个龍，到這下為止看過幾擺，
　毋過，該係照佢兜个想法，做出來龍个形投，毋係正經个龍。
「模仿別人个作品，無辦法摎靈魂放落去。」
　所以，甚五郎留在成相寺正殿無出來，誠心祈求佛祖：
「𠊎遵照佛祖你个指示來刻龍，毋過𠊎毋識看過龍，
　雖然分人講係名人，仰般也刻毋出無看過个東西。
　拜託，請你顯現龍个形態分𠊎看一下。」
　幾日以後，甚五郎發夢夢到佛祖，就摎佢講：
「甚五郎啊，
　你个願望𠊎會分你達成。
　這間廟个北方有一隻深潭，
　在該位祈求定著龍會出現。」
「ha，承蒙你！」
　左甚五郎遽遽尋一個帶路个人，二儕順等世屋川直直向北方行等去。
　毋過，行落到深山肚連落脚都有問題，最後帶路个人驚到會死先轉去咧，伸著甚五郎自家一儕人去深山肚。
　雖然路途盡危險，甚五郎一心想愛看著龍，所以不會感覺著驚抑悿。
　經過千辛萬苦最尾來到人講龍會出現个大深潭。
　甚五郎在石頭頂坐等正正，連連三日三夜誠心祈求。
這隻深潭肚戴个龍噢！你愛出現分𠊎睞一下，一下仔就好。
　過後，變麽个情况呢？
　黏時深潭个周圍變到天烏地暗，大水點pia33 pia33滾開始落下來，潭肚大尾个龍毋係現身了嘎？！
　對龍口噴出紅紅个火，看等就會燒著甚五郎了。
　毋過，甚五郎並無逃走。
　該龍个樣仔烙到目珠肚樣，佢就目金金緊看該條龍。
　龍就直直向甚五郎飛過來，飛到膴身無停無動个甚五郎面前，sud5聲，就毋見忒咧。
　該量時甚五郎歸身力量，
　就像龍个靈力通棚走落甚五郎膴身裡肚樣。
「唉哦！看著龍！𠊎看著龍了！」
　甚五郎大聲噦噦嘶嘶，遽遽走轉成相寺，幾下日無歇睏專心在該刻龍。
　總算刻好个龍，安在成相寺開始求水。
　想毋著个事情發生了，本旦出日頭，一下仔就變烏陰天，續等開始落大水。
「水，水落下來了！」
「係龍个庇蔭！甚五郎先生个庇蔭！」
　村民大家當歡喜。
　這下看起來燥絲燥絲个禾仔，看等一下仔恢復元氣轉青了。

　因為這件事情，甚五郎看著龍出現个深潭，大家喊佢『龍潭』，聽講甚五郎刻个龍到這下還盡珍貴个保留在成相寺。

煞咧